Nice ḳanlar dökilür ḥamret-i gül-rūsında / Lāl olur nuṭḳ-ı ḳalem çeşm-i süḫan-gūsında

Dil berāber olur aġyāre nevāzişlerde / Olsa yāruñ eger inṣāf terāzūsında

Vaṣf-ı ma‘nīde olur nükte-i ḫam-keşte miyān / Çileden çıḳdı kemān ol ḫam-ı ebrūsında

Gicede nālişi terk itmez idi bülbül-i zār / ‘Ālemüñ olsa vefā gül gibi şeb-būsında

‘Ālem-i ma‘ni gibi küştesinüñ ervāḫı / Ḥaşr olur bir daḫı āyīne-i zānūsında

Baḳ henūz māderinüñ şīri ḳoḳar aġzında / Leẕẕet-i şīr ü şeker var leb-i gül-būsında

İntiẓārında olur devlet-i ḫulyā-yı viṣāl / Leẕẕet olmaz hele yār olsa da pehlūsında

Ḫāliṣā Nābī-i üstāda kim olmış pey-rev / Şehd-i ma‘nā bulınur ḫāme-i ḫoş-gūsında