Ḥayfā ki çeşm-i dil olalı dūş o mehveşe / Ey mihr-i şu‘le-sūz-ı cihān düşdüm āteşe

Sulṭān-ı ‘işve ḥüsn-i melāḥat-ger aydur / Baḳ tīr-i nāzişe o fiten-pīşe terkeşe

Şehbāl-i nāzuñ açsa o ṭāvus ġurer-i nāz / Ṭāli‘ olur başuma ya ḳuzġūn düşer leşe

Bedr-i cemālüñ almadan āġūş-ı fikrine / Çıḳardılar benüm de eḥibbā adum beşe

Bu zülf-i çīn ü gīsū-yı merġūlesin görüp / Daḫl itdi şeyḫ kürsīde ṭuġrā-yı zerkeşe

Çār-pāresiyle lu‘bını nā-çār idüp pesend / Zāhid görince raḳṣ iderek didi biñ yaşa

Ebrū-yı zūr-ı sā‘id-i nāzişle ḳalmadı / Bāzū-yı iḳtidārda ḳuvvet keş-ā-keşe

Ḥavf-ı viṣāle reşk ile aġyār idüp nizā‘ / Oldı raḳīb-i ḫar o mülaḳḳabla iş başa

Bu nev-zemīn-i Sābite beñzer mi Ḫāliṣā / Şūḫın ṭırāz olsa ġazel gelse baş başa