Gāh gebr-idim gāh tersā gāhḭ Ermeni / Kend u fażlından müselmān eyledi bir er meni

Rehber-i dḭn mürşḭd-i kāmil imām-ı evliyā / Hādi oldı Ḥaḳḳ ṭarḭḳi başladı Ḥaydar meni

Ḳılmışım üstād-ı ʿaşḳa biʿat-ı ḳālū belā / Özi tek cāhil salur ol sālik-i ebter meni

Muṭlaḳım ferdim yolında Ḥaydarıñ her şebehden / Bu cihettendür ki müşrikler oḫur kāfir meni

Ḥaḳḳ bilür müstaġnḭyim bu ḥaşmete baş egmezem / Vérseler ger rūmu delālet eylese ḳayṣer meni

Şol erenler serveriniñ itlerine bendeyem / Ḫoş saʿādetdür éderse kelbine çāker meni

Derdem fıṭrat-ı ʿAlḭyyü’l-murtażā mihr-ilen / Ḳıldı taḫmḭr-i sirişte ḫālıḳ-ı ekber meni

Bu seferde hem-rehim hem-maḥfilim ol māh-ilen / Gör ki ayırmaḳ diler andan raḳḭb-i ḫar meni

Daḫli yoḫdur kimsesiniñ bu arada ey müddeʿḭ / Cān u dilden sevmişem men dilberi dilber meni

Cism u cānım ser-be-ser şāh-ı velāyet mülkidir / Ḥaddı yoḫdur yandura maḥşer güni āzer meni

Sorġu olmaz sarḫoş-ı dḭvāneye ey Himmetḭ / Esredübdür cürʿasından sāḳḭ-yi kevŝer meni