Ḳayd-ı cünūn ḳalʿa-yı şeddad içindeyüz / Müʾminler özge dḭnde zḭndān içindeyüz

Nuṭḳ-ı kerāmet ile bize keştḭ-yi necāt / Bā Nūḥ-ı ehl-i beyt ṭūfān içindeyüz

Sāḳḭ-yi ḥavż-ı kevŝer u ḳussam-ı nūr u nār / Bir cām ṣun ki āteş-i sūzān içindeyüz

Girdāb-ı baḥr-ı firḳata ġarḳ oldı cānımız / Bā ḫıżr-ı vaḳt dḭde-yi giryān içindeyüz

Ḳurtar bizi Ḥüseyn Ḥasan ʿaşḳına bugün / Leb-teşne-yi dil-figār beyābān içindeyüz

Tḭġ-ı ḥelāk başımız üstünde aṣılu / Şāh-ı velāyet ʿaşḳına meydān içindeyüz

Oldı kesād revnāḳ-ı bāzār-ı ehl-i fażl / ʿĀrif tükendi fırḳa-yı nādān içindeyüz

Ya mehdi şimdi başla hidāyet ṭarḭḳına / Bu ḳulları ki ẓulmet-i ʿiṣyān içindeyüz

Ümmid-vār o zāir-i Mekke-yi dḭdāra bir ḥācı / Ey Himmetḭ ki miḥnet u hḭcrān içindeyüz