ʿĀşıḳ-ı ḫāki-siriştüz ʿāḳıldur cānānımız / Maʿnḭ-yi ʿaşḳ atamızdur ṣūret-i cān anamız

Ḥażretinde ḥansı tuḥfe yāre ya lāyıḳ düşer / Göñlümüz ya başımız ya cānımız cānānemiz

Ṣıdḳ-len ṣādıḳların cān u dili ḳurbān saña / Bundan özge yoḫ viṣāliñ ʿıydına şükrānımız

Bu niyāzıñ luṭf ḳıl ʿāşıḳlarıñ redd eyleme / Uşbudur elde bizim yā şāh-ı dervḭşānımız

Çarḫ urub dḭvānlar tek muttaṣıl yanmaḳdur / Şevḳ-len şāhā cemālıñ şemʿine pervānemiz

Kim ki bir dem içdi andan oldı ḥayy-ı lā-yemūt / Cām-ı Ḥaydar curʿasındandur bizim peymānımız

Anı gel luṭf-ile maʿmūr eyle ey gencūr-ı şāh / Genc-i ʿaşḳıñ meskenidür bu dil-i vḭrānımız

Tā ṣıfātından ḫıred dem vérdi ey maḳṣūd-ı ẕāt / ʿĀlem-i āfāḳ dutdı ser-be-ser efsānemiz

Damdı bir ḳaṭre zülāl cām-ı laʿlinden aña / Bu cihetden cūşe geldi ḳaynadı ḫum-ḫānemiz

İçdi ol ḫum-ḫāneden söyler ene’l-Ḥaḳḳ dem-be-dem / Dar ayaġında hezārān ʿāşıḳ-ı dḭvānemiz

Bir ḳadem baṣdı ḫayāliñ göñlümüz ḳıldı nüzūl / Cennet oldı maḳdeminden dilberā kāşānemiz

Bu vücūd bu ʿadem yeksān olur ey Himmetḭ / Ḫālḭ olsa bu ṣadefden bir nefes dürdānemiz