Nühüfte naġmemüz nev-perde ṭanbūr oldıġındandur / Bu aḥdeblige kevnüñ meyli ḳanbūr oldıġındandur

Sifāl-i köhne gül-gūn rengüñ itmez ẕerrece iẓhār / Virürse reng-i ṣahbā cām-ı billūr oldıġındandur

Olursun zāhidā zehr-ābe-nūş-ı sāġar-ı ekdār / Derūnuñ pür-güneh ber-dūş-ı semmūr oldıġındandur

Olan mesbūḳ-ı fen-i ṣoñ ile ol ṣatr-ı evvelde / O kāfir ṭıynetüñ ta‘bīr-i mesfūr oldıġındandur

Bu dehrüñ sīne-kūbān olması mıżrāb-ı tīşeyle / Hezārān tār-ı nev-āġāz-ı sanṭūr oldıġındandur

Meh-i temmūzda gāhī olur sermāye-i sermā / Raḳīb-i bāridüñ ḥammāma nāṭūr oldıġındandur

A Ḫāliṣ bu müseddes hānemüz bī-engübīn olmaḳ / O zī-bāl-i cihānuñ mīr-i zenbūr oldıġındandur