Ey ḳılan daʿvḭ ṭarḭḳ-i maʿnḭye merdāne gel / Ḳılma her nāmerd peyrevlik şeh-i merdāne gel

Baḥma ṣaḥrādan yeri ol şeh-süvārıñ ʿaşḳına / Başıñı ṭob ḳoluñu çevgān édüb meydāna gel

Hem velḭdir hem vekḭl-i raḥmet-i Ḥaḳḳdır ʿAlḭ / ʿĀrif ol şeyṭāna uyma raḥmet-i raḥmāna gel

Cām-ı kevŝer-i maʿnḭde nuṭḳ-ı ʿAlḭdir āb-ı ḫıżr / Olma ḥayvān ṭıynet çeşme-yi ḥayvāna gel

Ḥaydarı Ḥaḳḳ bilmeyince olmaz ḭmānıñ dürüst / Ey müselmān muḳallid müʾmin olḭmāna gel

Şol ʿAlḭ-yi nāṭıḳıñ şānında ey islām-ı dḭn / Gör ne söyler “hel etā u innemā” furḳāna gel

Ḥaḳḳ-ilen sāile vérdi mükerrer cān u baş / Şāh-ı iḳlḭm-i seḫā ol ṣāḥib-i iḥsāna gel

Cinn u ins u cümle maḫlūḳāta sulṭāndur ʿAlḭ / Dḭve nisbet düşme ʿāṣḭ ḥażret-i sulṭāna gel

Cānı cānānı ʿAlḭdir ey peser ʿāşıḳlarıñ / Şevḳ-len her dem feda ḳıl cānıñı cānāna gel

Mihr u cennet buġżı dāmı ṭarḭḳidir ʿayān / Damuya gitme ṭarḭḳ-ı beddür raḥmāna gel

Cürʿa-yı cām-ı ʿAlḭden mest olub ey Himmetḭ / Lāübālḭ bāb ol ḳāmet-i mestāna gel