Maşrıḳ-ı ṣubḥ-ı velāyetden ʿalem çekdi semūs / Bildirmeden ḳıldıġı raʿd-ı ḥarb çaldı kūs

Gördi çün eblaḳ-süvār-ı çarḫ bu hengāmeye / Germ olub zḭn-i kevkebinden çekdi bir zḭn debūs

Şol ʿazḭmetden ḥezḭmet buldı derdem şāh-ı şām / Sanki ḳopdı leşker-i seyyāreye rūz-ı ʿabūs

Tḭġ çekse ḫaşm-len çün ẕülfiḳār-ı Ḥaydarı / Ḫayl-ı encümenden keser bir ḥamlede yüz min rūʾs

Taḫt-ı ʿāc üstünde tācıdur géyüb tapdı ḳarār / Ṭalʿatinde oldı nūrānḭ serāyü’l-ʿabūs

Eyledi terk-i dḭyār-ı memleket Ḥabş u Ḥabeş / Çapdı mülk-i zengbārı ḥükm-ile ḫayl-ı urūs

Fetḥ ḳıldıʿarş u ferş oldı imdād-ı ʿAlḭ / Bu beşāretden niŝār eyler güneş gökden fulūs

Per u bālıñ nārı yandurdı ġarāb-ı şām-ı hicr / Ṣubḥ-ı devlet érdi banglar ʿarş-ı ʿizzetden ceres

[Çekdiceden] Bicen u Rüstem miŝāl-i çarḫ-ı Ẕāl / Çehresinden aldı şol mişkin niḳābın nev ʿarūs

Baḥra düşdi ger şebeh bu laciverd-i Ḥaḳḳdan / Cevher-i derdem çıḫardı bir dıraḫşān senderūs

Özge ẕikri ḳoy bu ḥikmetler velāyet ʿilmidür / Munda ḥayrāndur hezārān Bū-ʿAlḭ u Cālinūs

Himmetḭniñ bāṭını maʿnḭde bir maʿmūredür / Ṣūret-i ẓāhirde bir vḭrānedür çün şehr-i ṭūs