Ḳāmet-i ra‘nāsı bir mażmūna olmaz āşinā / Serve baḳma ol ḳad-i mevzūna olmaz āşinā

Ḫāli seyr it gör bu āteş-reng-i mīnā-gerdeni / Keyf-i efyūn bāde-i gül-gūna olmaz āşinā

Sūḫte olmaḳ ile taṭhīr oldı hicrān sūz-ı ‘ışḳ / Şüst ü şūlarla dilüm ṣābūna olmaz āşinā

İnkisār-ı şīşe-i ḫāṭır dururken ber-ṭaraf / Köhne ḳānūn ile Eflāṭūna olmaz āşinā

Eşk-i seyl-ā-seyl-i çeşm āteş-ḫurūş-ı Nīldür / Dīde-i ḫūn-bārumuz Ceyḥūna olmaz āşinā

Ḫurde-kārī-çeşm gūyā sendeki siḥr-i ḥelāl / Ġamze-i cādū-pesend efsūna olmaz āşinā

Bir nevāzişle devā it ey ṭabīb-i rūzgār / Yoḫsa bu dil-ḫasteler ma‘cūna olmaz āşinā

Ḳa‘r-ı deryā-yı ma’ānīden ne iḫrāc eylesek / Cevher-i Ḫāliṣ dür-i meknūna olmaz āşinā