Ey vefā ehl-i cefā-yı yārdan dönderme yüz / Çek bu cevr-i ṭaʿne-yi aġyārdan dönderme yüz

Ḥāliyā tā kim ola fetḥ-i ṭılsım u keşf-i genc / Ejdehādan dönme zaḫm-ı mārdan dönderme yüz

Ger viṣāl-i gül gerek ey ʿandelḭb-i dil-figār / Ḫancer-i sūsen sınān-ı ḫārdan dönderme yüz

Yaḫsa ger nār-ı tecellā cismini Muʿsā kimi / Terk-i ruʾyet eyleme dḭdārdan dönderme yüz

Cānıñı sal oda mānend-i Ḫalḭl-i but-şiken / Ḳıl tevekkül fażl-ı Ḥaḳḳa nārdan dönderme yüz

Ẕāt-ı Ḥaḳḳa çün dédik ḳālū belā rūz-ı elest / Ey muḥḭbb ol ʿahd ol iḳrārdan dönderme yüz

ʿAşḳ-ilen ger Ḥaḳḳa bende ümmet-iseñ Aḥmede / Şāh-ı ṣaff-der Ḥaydar-ı Kerrārdan dönderme yüz

Ḫanda görseñ kes ʿadū-yı ḫānedān-ı Ḥaydarı / Baş ḳaçurma müşrik-i ġaddardan dönderme yüz

Ḥaydara yüz yéri tā dönmeye Ḥaḳḳdan yüzin / Ol velḭ-yi vāḥidü’l-ḳahhārdan dönderme yüz

Keşf ola tā kim ʿulūm-ı ẓāhir u bāṭın saña / ʿĀlem-i dḭn kāşif-i esrārdan dönderme yüz

Murtażā ʿaşḳına ger berdār éderler Himmetḭ / Vér rıżā ḥükm-i ḳażāya dārdan dönderme yüz