Āhımıñ çoḳ imtiyāzı tişe-i Ferhāddan / Ey lebi Şīrīn yoḳ farḳı anıñ ırġaddan

Mū-be-mū diḳḳat idüb ebrūña çıḳmaz añladım / Böyle ṣūret kilk-i semmūr-ı kef-i Bihzāddan

Baḳmadı naḳş u nigār-ı levḥa-i dehre gören / Ṣūret-i feyz-i Ḫudā mirʾāt-ı istiʿdāddan

Yāre zaḫm-ı sīne açmam ġamzesi hūn-rīz iken / Eylemek olmaz ümīd-i merḥamet cellāddan

Germ olur mı eşk u āh ile dil-i sengin-i yār / Çünkü ḫārā yumuşamaz teʾbsir-i āb u bāddan

Ḫançer ebrūsı çoḳ işler keser de Nūrīyā / Geçse dest-i ġamzesi gibi yed-i üstāddan