Raḥmete’n-li’l-ālemindür Muṣṭafā-yı ḥayrü’l-beşer / Gel oña ḭmān getür dḭv olma ey cehl-i beşer

Aḥmed u Ḥaydar ki bir nūr-ı eḥaddur bir vücūd / Bir vücūdu nola ger iki görir aḥvel-i beşer

Sırr-ı Ḥaḳḳdur murtażā miñ sıfāta muttaṣıf / Lik idrāk eylemez bu sırrı her mehmel-i beşer

Vāḳıf ey ʿārif Ḥaḳḳıñ esrārına Ḥaḳḳdur yine / Ḥadd yoḫdur eyleye bu ḥikmete medḫal-i beşer

Almayınca luṭf-ile şāh-ı velāyetden sabaḳ / Şöyle bil olmaz cihānda fāżıl u efżal beşer

Añlamaz bu remzi ḥaddı olmaya üstād-ı Ḫıżr / Olsa ger Mūsā kimi peyġamber u mürsel beşer

Nā-münāsibdür aña ḥatta ʿAlḭ el-ḫayru’l-ʿamel / Şerr-i vesvās göñülden sürmeyince ol beşer

Tā ebed görmez likā ger ḫāk-i rāh-ı şāhdan / Vérmeye āyine-yi ṣayḳal-i ebṣārına beşer

Ḳılmaya taʿlim eger ol ʿālim-i ʿilm u ḳażā / Ḳılmasa bir müşkili edyān içinde cell beşer

Girmeye dārü’l-ġama çıḫmasa fi’n-nārdan / Dāmeni āl-i ʿabāya urmasa tā el beşer

Ṭayr-ı ʿāl-i mekān ol Himmetḭ miŝl-i melek / Olmasın bu ʿālem-i süflāda bir esfel beşer