Ol kerḭmiñ urdı nāgeh ḳulzüm iḥsān-ı mevc / Baġladı yüz ḥikmet-ilen ḳālib insān-ı mevc

Eski tā bād-ı muḥabbet coşa geldi baḥrẕāt / Ḫoş getürdi cünbişe şol baḥr-ı bḭ-pāyān-ı mevc

Ḳaynadı ʿaşḳ āteşinden dışra saldı der-zamān / Bir ṣadefden ṣad-hezārān gevher-i ġalṭān-ı mevc

ʿAyn-ı deryādur ḥaḳḭḳatde pes anı bilme ġayr / Ne ʿaceb ger teprese devr-i şevk-ilen ʿummān-ı mevc

Gāh Dāvūd oldı geh Mūsā-yı ʿimrān gāh Nūḥ / Niçe kerrat gör ḳopardı ʿāleme ṭūfān-ı mevc

Ḳıl celāletden ḥeẕar tā keştiñi sındurmaya / Heybet-ilen şöyle kim ġarḳ eyledi Kenʿān-ı mevc

Fażl-ı Ḥaḳḳdan daşdı ol deryā-yı raḥmet çekme ġam / Luṭf-ilen ṣöndürdi ḳahr-ı āteş sūzān-ı mevc

Dem-be-dem ʿāşıḳlarıñ göz yaşını eyler niŝār / Ḫāk iḳdāmına şāhıñ lüʾlüʾ-yi mercan-ı mevc

Şol ʿAlḭ ʿālḭ kim deryā-yı tḭġından onuñ / Dutdı bir demde serāser ʿarṣa-yı meydān-ı mevc

Her çıḫan kim çekdi ol şāh-ı velayet ẕülfiḳār / Yeryüzünde baḥr tek urdı münāfıḳḳān-ı mevc

Kesdi çendān müşriki rū-yi zemḭn oldı muḥḭṭ / Her kenāre saldı yüz min mürde-yi bḭ-cān-ı mevc

Himmetḭniñ baḥr-ı ṭabʿı cūşa geldi ʿaşḳ-ilen / Çıḫdı uca dutdı fevḳ günbed-i gerdan-ı mevc