ʿArş-ı raḥmān üzre Aḥmed şemsdür Ḥaydar ḳamer / ʿArş u ferş nūr éder şems u ḳamer şām u seḥer

Ger olubdur düşmen āl-i Muḥammed ḳaṣdına / Ṣubḥ dem çekdi sinan u baġladı seyf-i siper

Fetḥ içün ol fātiḥ-i ḥayber çekende ẕülfiḳār / ʿArz éder ḭmān aña gökden melek yerden beşer

Mevce gelse der-dem ol baḥr-ı żelālet ḥışm-ilen / Çaġrışurlar pāsbān-ı ḳalʿa-yı ʿarşu’l-ḥaẕer

Ger icāzet tapmasa şāh-ı velḭden Cebreʾḭl / Yoḫdur ḥadd kim ḳıla deryā-yı ʿizzetden güźer

Hem felekden onı gördi perde-yi ʿizzetden hem / Çün Muḥammed lā-mekān iḳlimine ḳıldı ṣefer

Ger ʿalem çekse sinan cān-güẕār-ı evliyā / Ḍarbını getürmez tāb-ı sindān-ı ḥacer

Lüṭf-i cennet-i müʿminḭn u müʿmināne bestem / Ḳahr-ı dūzaḫ müşrikḭn u müşrikāne müstaḳarr

Nuṭḳ-ı Ḥaydardan kitābetdür eyā ehl-i kemāl / Mūsḭye “inni enallah” söyleyen nār u şecer

Maʿnḭde nāṭıḳdur nuṭḳ-ı ʿAlḭden dāşte Ḥaḳḳ / Bu ḥaḳḭḳatden ḫaber ol ey cuhūl-i bḭ-ḫaber

Ādeme dārın içinde maʿrifetdür reʾs u māl / Bir şecerdür Ādem u bḭ-maʿrifet ol bḭ-ŝemer

Oldı mülḥaḳ murtażā perverdigārıñ ẕātına / Söyle ṣıdḳ Himmetḭ Ḥaḳḳdur bu ḳavl-i muʿteber