Kim ola bu Ḥaḳḳ leşkerine rehber u sālār / Ser-baḫş u ʿaṭā-baḫş ḫaṭā-baḫş-ı kerem-dār

Allaha velḭ Aḥmede ġam-hār u berāder / Ser-ḫayl-ı benḭ Fāṭıma ol server-i serdār

Ḭmāna emḭn şaḥne-i dḭn ḥāmḭ-yi islām / Müʾminlere nuṣret vérici ḳātil-i küffār

Sāliklere mürşḭd u ʿābidlere ḳıble / ʿĀriflere miʿrāc u bu ʿāşıḳlara dḭdār

Şāh-ı ġanḭ feyyāż-ı ezel raḥmet-i raḥmān / Enhār-ı irem baḥr-ı kerem ebr-i Güher-bār

Ne ders-i ledünnḭ zi-naẓar ʿilmine üstād / Keşşāf-ı ḳulūbdur beşere ʿālim-i esrār

Cennāt cehennem evine ḳāsım u ḳassām / Şol meclis-i maḥşerde olan sākḭ-yi ebrār

Yetmiş iki kez ser véren Allah yolunda / İgirmi sekkiz kez ṣatılan Ḥaydar-ı Kerrār

Ey server ey ṣaf-şiken u server-i ġālib / Şḭrḭm dédi metḥétdi seni ḫālıḳ-ı cabbār

Ey ḥaşr güni ʿāṣḭleriñ püşt u penāhı / ʿAfv eyle şehā ḫāce-yi kerem bende-yi günahkār

Her cānda ki var ʿaşḳ-ı ʿAlḭ mihr-i Muḥammed / Ger yüz miñ ola ẕilleti yandurmaz ānı zār

Dost itleriniñ isteye yā rūzdan cāndan / [Maʿzūli u merd mekkḭ u köri aġyār]

Çün Himmetḭ buldı ebedi salṭanat-ı faḳr / Bu ʿārḭyeti devlet-i fānḭden éder ʿār