Her işte gerek ʿāşıḳa iḫlāṣ u tevekkül / Teslḭm-i rıżā şükr-i ḫüdā ṣabr u taḥammül

Hem ʿahd-i vefa ṣıdḳ u ṣafā mihr u muḥabbet / Terk-i heves u terk-i hevā terk-i tecemmül

Ḫidmet kemerin baġlaya şol ʿarṣa-yı ʿaşḳa / Merdāne gire ḳılmaya bir özge taḫayyül

Ṭūfan ḳopa ger ʿāleme ol ṣıdḳ-ı yaḳḭnin / Taġyir édüben olmaya aḥvāl-i tebeddül

Baş oynada kim dönmeye meydān-ı ʿAlḭden / Nār u sitem u ġayr-ı vücūdun éde ger gül

Peyveste gele bū-yı vefā-yı ʿAlḭ andan / Reyḥān bite ol gülden eger yāsemen u gül

Semʿ ol ki ḳılur ʿāleme her laḥẓa münādi / Gülzār-ı velāyetde bu dem şevk-ile bülbül

Kim vaʿde érişti gelür ol ḳāim-i devrān / Hem-rāz iseñ ol rehbere gel ḳılma taʿallül

Ḥaḳḳ emriyle oldı bu devr leşker-i dḭn cemʿ / Leşker başı ʿḭsā u nebḭ-yi Ḫıżr ḳaravul

Selmān lalası oldı mühürdār-ı Süleymān / Cebreʾḭl cilovdār oña Mūsā yasavul

Çün berḳ sḭmā endi yere tḭġ-ı du-peyker / Yarıldı ḥacer çıḫdı revān oynadı düldül

Ol tḭġ çeküb heybetle düldüle mindi / Bu yeddi ṭabaḳ yeryüzine düşdi tezelzül

Yoḫ-idi ki ʿālemde bugün zümre-yi ẓālim / Daḫı çekmez maẓlūmlara dest-i taṭāvul

Ḫurşḭd ṣıfat şāh-ı zamān oldı cihāngḭr / Her ẕerreye gel Himmetḭ yā ḳılma tezelzül