Hevā-yı kākülüñle çünkü adım ḳarelenmişdür / Anıñçün sevdigim neticem daḫi bī-çārelenmişdür

Ḳo git Balıḳlıya ey sīm ten çünkü ben ʿindiñda / Nola bir pūla degmezsem ki cismim pārelenmişdür

Lebin būs eyler iken ʿārıżı ṣıyrıldı rīşimden / O berg-i ġonca-i ter ḫār-ı ġamla yarelenmişdür

O māhıñ pertev-i ḥüsni cihānı nice ṭutmaz kim / Yaşı on dördüne varmaḳsızın mehpārelenmişdür

O şūḫuñ ḳaddi serv ü laʿli ġonca zülfi sünbüldür / Anıñçün böyle Nūrī murġ-ı dil avārelenmişdür