Ey muḥibbi yār-ı Ḥaydar müşrik-i aġyārı kes / Tḭġ çek şāh-ı velayet ʿaşḳına inkārı kes

Şol ḥabḭbullah resūlullah Muḥammed ʿaşḳına / Ġāzḭ iseñ dḭn yolında zümre-yi küffarı kes

Bülbülü açma ḳafesden bāġ-ı dilden zāġ sür / Ravżā-yı maʿnḭ ṭarḭḳat gülşeninde ḫārı kes

Ey ʿazḭzim Yūsufı çāh-ı ẓelāletden çıḫar / Genc-i Züleyḥā-yı ṭamaʿdan sāḥir-i mekkārı kes

Oḫu iḫlās-ile bismillahirraḥmanirraḥḭm / Dḭv-ilen şeyṭānı öldür ẓālim-i ġaddārı kes

Kaʿbeyi but-ḫane ḳılma olmaya ger but-perest / Lātı yandur ḫaçı sındur rişte-yi zünnārı kes

Her şecer kim bitmez anda mḭve-yi mihr-i ʿAlḭ / ʿAşḳ-ilen tḭr u teber çek ol bülend-eşcārı kes

El çıḫar mehdi cesedden ey peser Ḥaydar miŝal / Ejdehā-yı ḥırṣı şaḳ ét genc-i dilden mārı kes

Cḭfedür dünya ṭamaʿ kelbi aña dāḭm ḥarḭṣ / Tāze daşla cḭfe-yi pāk ol seg-i murdarı kes

Var-ise ger şāh-ı ebrār ile ʿahd u peymānıñ / Gel vücūduñ kişverinden leşker-i eşrārı kes

Tḭr-i illādan eger vāḳıfsan ey ṣāḥib vücūd / Ḥancer-i lā çek ṭanāb-ı perde-yi pindārı kes

ʿAşikār oldı ene’l-Ḥaḳḳ seyr-i şehr-i maʿnḭde / Himmetḭ meydān-ı daʿvḭden sütūndārı kes