Tā vücūdım cūyuna ʿaşḳ-ile aḫdı āb-ı ṣıdḳ / Gülşen tabʿımda açıldı gül sḭrāb-ı ṣıdḳ

Ḫürrem oldı her nihāl açdı şükūfe renk renk / Her çiçekden baġladı zenbūr şehd u nāb-ı ṣıdḳ

Her şecerde bitdi ol ġayr-ı mükerrer meyveler / Piste u bādām u nārenc u ruṭeb ʿannāb-ı ṣıdḳ

Ṭurra-yı pür pḭç u tāb-ı caʿd u zülfḭn-i ḥabḭb / Rişte-yi cāndır muhabbet ehline ḳullāb-ı ṣıdḳ

Kaʿbe-yi kūy-ı ehl-i ʿaşḳa āstānı ḳıblegāh / Secde-yi ruḫ-sā-yı muḳavves ḳaşları mihrāb-ı ṣıdḳ

Yüz çevirdi kaʿbeye butḫāneden her ṣubḥ-ı şām / Secde ol miḥrāba eyler ser-be-ser erbāb-ı ṣıdḳ

Eylemez ol ḳavm meydān-ı ḥaḳḭḳatden firār / Yaʿni kim olmaz hirāsān kimseden aṣḥāb-ı ṣıdḳ

Ḥaḳḳ ṭarḭḳinden yüzin döndermeyenlerdir yaḳḭn / ʿĀşıḳ-ı ṣādıḳ muḥibb-i murtażā aḥbāb-ı ṣıdḳ

Kim ki bildi bāb-ı şehr-i ʿilm-i dḭn-i Aḥmedḭ / Buldı nuṣret yüzine fetḥ oldı anıñ bāb-ı ṣıdḳ

Ḳuṭb-ı devrān-ı ulūhiyyetdir ol ẕāt-ı ḳadḭm / Enbiyā u evliyādur fi’l-meŝel aḳṭāb-ı ṣıdḳ

Terk-i tevḥḭd u tevekkül ṣabr u şükr u fikr u bikr / Vār-ise her kimde oldur ṣāḥib-i esbāb-ı ṣıdḳ

Rāic eyle naḳdiñi ey Himmetḭ her kimseniñ / Sikke çalmaz ḳalb-i rūy-endūdına żarrāb-ı ṣıdḳ