Ol şāh sulṭān-ı serā perde-yi cāndur / Ol pādişāh-ı memleket u cān-ı cihāndur

Ḳuṭb-ı felek dāire-i dāḭr-i aḳṭāb / Hem melek Ḥaḳḳa mālik u hem şāh-nişāndur

Ḫuffāş nola görmese ger ol güneşi fāş / Her zerre-yi ḫurşḭd-ṣıfat ʿayn-ı ʿayāndur

Pinhān degil ol kāşif-i ʿallāmu’l-ġayūba / Bu iki cihānda ne ki peydā u nihāndur

Ders olmadı her ʿālime kim ʿilm-i velāyet / Taḥḳḭḳ degüldür söz teşkḭk-i kemāndur

ʿĀriflere nuṭḳ-ı ezelḭ mebde-i miʿād / ʿĀşıḳlara ʿaşḳ-ı ebedi rūḥ-ı revāndur

Emreyledi ol şāh ana muṣḥaf-ı nāṭıḳ / Şerḥ eyle eger ʿārif iseñ bu ne beyāndur

Meʾvā-yı ḥaḳḭḳatde Ḥaḳḳıñ ẕātına mahsūs / Fıṭratda yine vāsıṭa-yı kevn u mekāndur

Aḥkām-ı ḳażā kaḍı-yı dḭvān-ı velāyet / Ḳassām-ı ḳader ḥākim-i nḭrān-ı cinandur

Dünyāda aña ḳılmasa her kim ki tevellā / ʿUḳbāda işi ḥasret feryād fiġāndur

Bülbül kimi her gül ki oḫur ʿaşḳ ile medḥiñ / Çün çemen-i bād-ı ṣabā nuṭḳ anıñ müşk-feşāndur

Maʿnḭde ʿAlḭ menḳıbeti miŝl-i cevāhir / Bu Himmetḭniñ sḭnesini çün maʿden-i kāndur