Bu cihānda bḭ-vefānıñ cümle kār u bārı hiç / Bostān u gülistān bāġ u berg u bārı hiç

ʿArʿar u şimşād u servin sındırur bād-ı ḫazān / Erġuvān u yāsemen gülşen u gülzārı hiç

Ḫānumānı ʿāḳıbet vḭrān olub bayḳuş öter / Ṭāḳ-ı manẓar ḳaṣr-ı eyvān u der u dḭvārı hiç

ʿİtibār étme bu dār-ı bḭ-medārı dehre kim / Kimseye çün ʿitibār étmez bu dünyā dārı hiç

Ḫandadur Dārā u İskender ḫān u faġfūr u cem / Yeryüzünden anlarıñ bḭdād külli āŝārı hiç

Ḳoy bu ʿaceb u hāy u hūy ṭumṭuraḳ fāriġ ol / Sevmedi ehl-i ṣafā buʿālem-i ġaddārı hiç

Bir kefendür çün oña yoldaş olan bu fānide / Cāhiliñ bād-ı burūt u cübbe u destārı hiç

Ġayr-ı arża bu cibāl u arż çün tebdḭl olur / Çarḫ-ı eflākıñ beḳāsız noḳṭā-yı pergārı hiç

Çekme Ḳārūn tek cihānda renc-i genc u meyl içün / Ḳılmadı imdād oña cemʿ étdügi dḭnārı hiç

Mihr-idi mihr u mehi nā-mihribān-ı kine-ḫāh / Gerdiş leyl u nehār ŝābit u seyyārı hiç

Muṣṭafā u murtażādur lā-yemūt-i ẕü’l-ḥayāt / Enbiyā u evliyādan özge eşyā dārı hiç

Himmetḭ rızḳ u ʿalāyıḳdan geçübdür ehl-i beyt / Ehl-i beytiñ zerḳiñ ʿahd u peymānı riyā iḳrārı hiç