Biz ʿayn ḳaf lam üstād ʿayn u şin u ḳaf / ʿAḳl u ʿaşḳıñ rehberin yaʿni ʿAlḭdir bḭ-ḫilāf

Nefs-i rūḥuñ maẓharından ẕāt-ı Ḥaydardur ġaraż / ʿĀrif-i dānā bilir yoḫdur bu ḳavle iḫtilāf

Ḥükm-i iḳlḭm-i ulūhiyyetde işlerdi revān / Gelmedin kevnine bu menşūr-ı emr-i nūn u kāf

Bir ḥacerdür ol şāhıñ tamām / Yeddi baḥr u ber u doḳḳuz çarḫ u doḳḳuz kūh-ı ḳāf

Tḭġ-ı nuṭḳ-ilen velāyet leşkerini eyledi / Şeh-süvār-ı dḭn u millet server-i fikr u lāf

Çün kelāmullah-ı nāṭıḳdır ʿAlḭyü’l-murtażā / Ṣanma bu güftār ey nādān-ı cāhil sen güẕāf

Şerʿḭ dḭn-i enbiyadan ötrü çekdi ẕülfiḳār / İstivānıñ ehl-i küfrüñ eyledi baġrıñ şikāf

Miŝl-i ʿAnter Żeyġam u Hüşşām u Ṣulṣul u Ḥabel / Ḳıldı yüz miñ ʿādḭ ḳaddār-ilen tenhā meṣāf

Ḳılmışuz ṣıdḳ-ıla ol şāh-ı ḳadḭmiñ her ḳadem / Ayaġı topraġına cān u cihān iʿtirāf

Olmayınca bende ol sulṭān-ı mülk-i ʿizzete / Dünya u ʿuḳbāda olmaz ādemḭ hergiz muʿāf

Dünyā u ʿuḳbā temennāsından el çek fāriġ ol / Ṭālib-i dḭdāra anıñ devlet-i vaṣl-ı kefāf

Sineñi ṣāf eyle mihr-i Ḥaydar-ilen Himmetḭ / Ger dilerseŋ sāḳḭ-yi kevŝer elinden cām-ı ṣāf