Bende-i şāh olmaḳ istersen ayā āzāde merd / Vér ʿAlḭ ʿaşḳına nān-ı germ u āb-ı serd

Ḥaḳḳ yolunda geçdi ol leşker-i ehl-i kerem / Cān u serden sḭm u zerden ḫuşk u terden oldı ferd

Ḫalḳ içinde géydi bir şāl-ı kanāʿat géyimini / Rızḳ içün bu fānḭde ol şāh-ı merdān surḫ u zerd

Ṣad ḥezārān aʿdā-yı ʿādḭ olsa ger bir ḥamlede / Tārūmār éyler onı şḭr-i ḫudā rūz-ı neberd

Keḥil māzāġ-ı melāikdür celāhā mihr u māh / Ḳopsa meydānında nʿal-i düldülünden gāh gerd

Şuʿle-i meşy-i ʿAlḭdür ẓāhiren bir lemʿadur / Şemse-i keyvān bu ḳandḭl ṭāḳ-ı lāciverd

Nuh felek bu ŝābit u seyyār fermānındadur / Hem bu çarḫ berddür uşbu māh-ı tḭz-gerd

Dünyādan bu mühre-i mihr u mehḭ murād-ı çarḫ / Ey ḥarḭf oldur anıñ desdindedür bu ṭas-ı nerd

Od su topraḳ yélden baġlayan bu ḫilḳati / İʿtidāl çār-faṣl u ḥikmet-i mihr derd-i berd

Bir ṭabḭb-i mihribāndur lḭkin dermān eylemez / Her kiminki olmasa cānında Ḥaḳḳdan ʿaşḳ-ı derd

Himmetḭ nuṭḳ-ı ʿAlḭden nuṭḳa gel bülbül kimi / Kim velāyet gülşeninde reng reng açıldı verd