Nâr-ı aşkım hânmân-sûz-ı sehâb-ı vahdetim / Nûr-ı hüsnüm âb ü tâb-ı âfitâb-ı vahdetim

Her şuâ-ı dâğ-ı dil bir berk-ı kesret-sûz olur / Mahv-ı aşkım âteş-i mihr-i iltihâb-ı vahdetim

Zıll-i envâr-ı kemâlimdir şuûnât-ı kazâ / İltihâb-ı âfitâb-ı şûle-tâb-ı vahdetim

Zevk-yâb-ı neşʾe-i seyr-i cemâlim tâ ebed / Merdüm-i çeşm-i şühûdum mest-i hâb-ı vahdetim

Câm-ı bezm-i lî maʿallâhîden oldum neşʾedâr / Rind-i küstâh-ı elestim kâm-yâb-ı vahdetim

Eşk-i çeşm-i âşıkım hem feyz-i laʿl-i dilberim / Âb-ı rûy-i ismetim reng-i şarâb-ı vahdetim

Eyledim bir câm ile Gâlib fedâ-yı mâsivâ / Fârig-ı kayd-ı cihân mest-i harâb-ı vahdetim