Aşk kim şemʿ-i haremgâh-ı sıfât eyler beni / Lemʿa lemʿa mahv edip îsâl-i zât eyler beni

Ben o ism-i âzamım kim münşî-i dîvân-ı sunʿ / Zîb-i menşûr-ı hurûf-ı âliyât eyler beni

Ben o rûhü’r-rûh-ı kudsüm kim Hakîm-i lâ-yezâl / Menbaʿ-ı feyz-i hayât-ı kâinât eyler beni

Neşʾemend-i bezm-i ıtlâkım o câm-ı aşktan / Kim rehâ-yâb-ı kuyûd-ı şeş-cihât eyler beni

Âyet-i lâ-taknetûyum mushaf-ı gufrânda / Ehl-i mahşer hüccet-i râh-ı necât eyler beni

Tâk-ı ebrûyum cebîn-i hüsn-i yâre kudsiyân / Kâbe-i ulyâda mihrâb-ı salât eyler beni

Gevher-i bahr-i hafâyım Gâlib emvâc-ı zuhûr / Cilve-sâz-ı sâhil-i zât ü sıfât eyler beni