Sebak-âmûz-ı esrâr-ı cünûn ol çeşm-i pür-gûdan / Hadîs-i sergüzeşt-i Kays'ı gel gûş eyle âhûdan

Görün aks-i beyâz-ı dîde-i uşşâkı zülfünde / Verir feyz-i bahâr-ı hüsnü nesrîn şâh-ı şebbûdan

Göreydi pertev-i hüsnün senin ey mihr-i âlem-tâb / Düşerdi mâh-ı Kenʿan şerm ile çeşm-i terâzûdan

Döner fevvâre-veş her halkasında bin dil-i giryân / Hurûşa başlasa girdâb-ı sevdâ çîn-i geysûdan

Visâl-i Kâbe-i maksûd vermez neşʾe minnetle / Olur âzürde-pâ peyk-i heves fart-ı tekâpûdan

Nazar kıl dîde-i sîretle mirʾât-i şuûnâta / Hüveydâdır serâpâ sûret-i dildâr her sûdan

Hayâl ettikçe bismilgâh-ı aşkın dilde ey Gâlib / Telâtum-rîz olur hûn-ı şehâdet her ser-i mûdan