Sûret-i sırr-ı heyûlâ muhtelif eczâsı bir / Cünbiş-i nûr-ı tecellâ muhtelif mecrâsı bir

Âlem-i vahdette yeksândır meâl-i küfr ü dîn / Zâhir-i ahkâm-ı esmâ muhtelif mânâsı bir

Âlemin maʿbûda bulmaz iʿtikâdı iftirâk / Güft-gûy-i lâ vü illâ muhtelif mânâsı bir

Sırr-ı insândır sevâd-ı nüsha-i kübrâyı gör / Şekl-i elfâzı serâpâ muhtelif mânâsı bir

Her tabîat bezm-i vahdetten alır bir gûne feyz / Neşʾe-i câm-ı musaffâ muhtelif sahbâsı bir

Hikmet-i Haktır zuhûr her dü âlemden murâd / Reng-i gûn-â-gûn-ı eşyâ muhtelif mebnâsı bir

Her nigehten dehre Gâlib seyr-i cânândır garez / Âh-ı vazʿ-ı cân-ı şeydâ muhtelif sevdâsı bir