Eşkim ki derd-i aşk ile seylân olup gider / Her katre-i kemînesi tûfân olup gider

Olmuş karîn-i mihr-i cemâlin ki tâ be-haşr / Hurşîd u mâh o şevk ile rahşân olup gider

Seyr et o tıfl-ı kebk-i hırâm-ı melâhati / Gittikçe hüsnü âfet-i devrân olup gider

Çektikçe tîg-ı çeşmini uşşâka Cibrîl / Tâ arşa bîm-i cân ile lerzân olup gider

Ol kim çerâğ-ı dâğ-ı dilin meşʿal eylemez / Zulmet-fezâ-yı haşre hirâsân olup gider

Ol çeşm-i terde eşk-i nedâmet ki cûş eder / Seylâbe-rîz-i dûzah-ı isyân olup gider

Gâlib dilinde şevk-ı mezâk-ı cihân henûz / Ömrün diyâr-ı merge şitâbân olup gider