Sanma eyler âb ü tâb ol mâh-ı garrâdan zuhûr / Nûr-ı vahdettir eder mihr-i tecellâdan zuhûr

Gark-ı envâr-ı şühûduz bir aceb gülşende kim / Şâhid-i maksûd eder çeşm-i temâşâdan zuhûr

Fikr-i hattınla gönül şîrâze-bend-i aşk idi / Kılmadan âsâr-ı fıtrat kilk-i âlâdan zuhûr

Neşvedâr-ı laʿlinim olsam cemâda feyz-bahş / Nefha-i tekrîm eder nakş-ı Mesîhâdan zuhûr

Feyz-i hüsnünle dil-i zâhidde sanma nûr-ı aşk / Rûh-ı âzam eylemiş seng-i musallâdan zuhûr

Nûr-ı akl-ı Ahmedîdir lâ-mekân pervâz olur / Murg-ı himmet kim eder arş-ı tevellâdan zuhûr

Âlem-i hüsn içre düşse pertevin ey meh-cemâl / Şuʿle-i mihr-i cünûn eylerdi Leylâdan zuhûr

Cilve-sâz-ı safha-i mirʾât-i vahdettir bize / Her ne sûret kim eder Gâlib heyûlâdan zuhûr

Nâmık-ı âlî-cenâbın şiʿrini tanzîr için / Tabʿıma ilhâm eder tâ arş-ı âlâdan zuhûr

Ol sühan-gûy-i mükemmel kim dür-i nazmı gibi / Etmemiş bir gevher aslâ bahr-i mânâdan zuhûr