İncitdin o gül-rûyi bakıp çeşm-i terimden / Ey nûr-ı basar sen dahi düştün nazarımdan

Bâran mı gülistânda yâhûd lâle-i hurşîd / Huy-kerde olur şerm ile dâğ-ı cigerimden

Aşk âteşi ol mertebe kim dilde değil eşk / Peykânları âb oldu çıkar dîdelerimden

Efsûs olalı âh ile hem-râh muhabbet / Bin berk-ı belâ hâsıl olur reh-güzerimden

Taşlarla döğüp sîne sana rahneler açtım / Ey rûh kaçıp bâri halâs ol kederimden

Ölsem gam-ı aşk ile hoşum yâr yolunda / Âsûde kalır halk-ı cihân derd-i serimden

Sanman gün olur şûle-i hurşîd ile her subh / Âlem tutuşur âteş-i âh-ı seherimden

Hâk oldu gönül kaldı reh-i aşkda Gâlib / Hiç bâd-ı vefâ esmedi ol sîmberimden