Ne esîr-i matlabım ne kâmrân-ı himmetim / Hamdülillah müsterîh-i imtinân-ı himmetim

Evc-i istiğnâ-yı teslîm ü rızâdır merkezim / Mihr-i aşkım dâğ-sûz-ı âsumân-ı himmetim

Abd-i mahzım hâtırım vârestedir endîşeden / Fârigu’l-bâl-i murâdât-ı cihân-ı himmetim

Yeʾs ü matlabdan ibârettir nihâyet hikmeti / Hızr-ı irfân vâkıf-ı râz-ı nihân-ı himmetim

Dehri kıldım dûr edip kâm-ı dü-âlemden güzâr / Pîr-i dergâh-ı rızâ kehfü’l-emân-ı himmetim

Tutdu tûfân-ı gınâ-yı mülk-i tabʿım âlemi / Hamdülillah safha-şûy-i dâstân-ı himmetim

Gâlib etmem gönlümü âzürde-i yeʾs ü murâd / Rind-i aşkım âfet-i nâm ü nişân-ı himmetim