Şûle-sûz-ı dâğ-ı hicrân olduğum demdir bu dem / Gayret-i sad-nâr-ı nîrân olduğum demdir bu dem

Etmesin dil-haste-i hicrân görüp dermân Mesîh / Âşıkım cânâne pûyân olduğum demdir bu dem

Şûle-i âfâk-gîrimden sakınsın kâinat / Âteşim aşk ile sûzân olduğum demdir bu dem

Hûn-ı eşkim lâle-reng etsin fezâ-yı âlemi / Hasret-i laʿlinle giryân olduğum demdir bu dem

Şûriş-i aşk ile nâmım yâd olunsun bir zamân / Kays-ı ahdim zâr ü nâlân olduğum demdir bu dem

Eyleyip ol mâh-rûyi dilde ey Gâlib hayâl / Dâğ-sûz-ı mihr-i rahşân olduğum demdir bu dem

Şiʿrini Rif’at Beyin zîb-i hayâl etsem sezâ / Feyz-i tanzîriyle şâdân olduğum demdir bu dem