Bâde kim meclis-tırâz-ı ıyddir her katresi / Şehr-i savma bâis-i tehdîddir her katresi

Bâde kim cevher-güdâz-ı âlem-i idrâktir / Âfet-i sad-dûde-i hurşîddir her katresi

Sâkıyâ sun ş’ol meyi dil-mürdegân-ı aşka kim / Rûh-ı cism-i meclis-i Cemşid'dir her katresi

Sâkıyâ sun ş’ol meyi dil-hastegân-ı aşka kim / Hande-rîz-i neşʾe-i câvîddir her katresi

Bâde-i eşkim ki eyler arz-ı gül-reng-i ferağ / Gevher-i gencîne-i tecrîddir her katresi

Neş’e-mend-i vahdetiz ol âteşîn meyden ezel / Şûle-pâş-ı âlem-i tevhîddir her katresi

Gurre-mestiz ol mey-i tahkîkten Gâlib müdâm / Hânmân-sûz-ı dil-i taklîddir her katresi