Gelse lûtfun yâda hem mevcûd hem nâ-bûd olur / Kîmyâ dünyâda hem mevcûd hem nâ-bûd olur

Bir aceb sırr-ı nihânîdir heyûlâ-yı vücûd / Sûret-i eşyâda hem mevcûd hem nâ-bûd olur

Aks-i hüsnün kim eder âyîneden arz-ı cemâl / Cevher-i mînâda hem mevcûd hem nâ-bûd olur

Zıll-i memdûd-ı hakîkattir vücûd-ı kâinat / Âlem-i mânâda hem mevcûd hem nâ-bûd olur

Sînede ettikçe hüsnün cilve-i gayb u şühûd / Dil teh-i sevdâda hem mevcûd hem nâ-bûd olur

Eyledik yoklukta biz âlemde isbât-ı vücûd / Rind olan dünyâda hem mevcûd hem nâ-bûd olur

Rind olan ikbâl-i dehre Gâlib etmez iʿtibâr / Mâldir hulyâda hem mevcûd hem nâ-bûd olur