Şûle-bâr oldukça nahl-i gülsitân-ı hüsn ü aşk / Andırır Tûr-ı tecellâyı cihân-ı hüsn ü aşk

Haclegâh-ı âlem-i ervâhı seyrân eyledim / Arşı tutmuş şûriş-i âteş-feşân-ı hüsn ü aşk

Hande-i gülle değil gülşende âh-ı andelîb / Münteşirdir kûşe kûşe dâstân-ı hüsn ü aşk

İttihâd ü imtizâc-ı tabʿ-ı mahlûkatı gör / Rû-nümâdır sû-be-sû râz-ı nihân-ı hüsn ü aşk

Mihr-i rûyin dâğ-ı dilden şûle-pâş-ı feyz olur / Sînedir mişkât-ı nûr-ı âsumân-ı hüsn ü aşk

Husrev-i dîvân-ı nazmım iktibâs-ı vahy ile / Tabʿ-ı âlî-himmetimdir tercemân-ı hüsn ü aşk

Neşve-i laʿliyle Gâlib Hızr-ı Îsî-meşrebiz / Bizdedir feyz-i hayât-ı câvidân-ı hüsn ü aşk